Ég býð upp á fræðslu fyrir mismunandi hópa, m.a. foreldra (á foreldramorgnum og í foreldrahópum leikskóla) og starfsfólk leikskóla um fæðuinntöku, þroska munnsins og eftir hverju á að horfa fyrir frekari athuganir.
Ég býð einnig upp á fræðslu fyrir heilbrigðisstarfsfólk, t.d. ljósmæður og hjúkrunarfræðinga í ungbarnavernd, tannlækna, sem vilja kynna sér stíf tungubönd, áhrif þeirra og aðra veikleika á munnsvæði og aðra áhugasama.
Listinn er ekki tæmandi en meðal fræðsluefna eru:
* Fæðuinntaka barna og vandamál henni tengd
* Snuð, skvísur og stútkönnur – það sem foreldrar þurfa að vita um þroska munnsins
* Baráttan við borðið – ástæður þess að börn eru ,,matvönd”, rauð flögg og úrræði
* Veikleikar á munnsvæði – rauð flögg sem leikskólakennarar ættu að horfa eftir
* Áhrif tungu- og varahafta á lífsleiðinni – hvernig á að skoða og meta hvort íhlutunar sé þörf
* Tunguhaft og tengt – áhrifavaldar í fæðuinntöku og hvenær á að íhluta?
Foreldrar ungbarna fá fræðslu um munnsvæði barnsins en farið verður yfir mikilvægi eðlilegs þroska og vaxtar, hvað er hægt að gera til að stuðla að því og hvað það er sem getur haft áhrif. Boðið verður upp á skoðun á tungu- og varahöftum og foreldrum kenndar rútínur, sem hjálpa til við rétta hvíldarstöðu tungunnar og auka þol fyrir snertingu á svæðinu.
Til að byrja með er þessi fræðsla í boði eftir eftirspurn.
Baráttan við borðið
Matartímar eru kvíðvænlegir á mörgum heimilum og er hér farið yfir ástæður, hvenær þetta er orðið vandamál og hvaða úrræði eru til staðar. Foreldrum er gefin góður tími til spurninga að fræðslu lokinni.
Áætlað er að næsta námskeið verði í upphafi árs 2024 en nánari tímasetning verður auglýst síðar. Forskráning fer fram hér að neðan og verður haft samband við þá sem hafa skráð sig með nánari upplýsingum þegar nær dregur.
Þessi fræðsla fer fram á netinu.